අපි ගැන

ගරු සභාපතිතුමාගේ පණිවිඩය

නවීන තාක්ෂණය පෙරදැරි කරගෙන ඩිජිටල්කරණය තුළින් ඉදිරයට පා තබන පළාත් පාලන ආයතනයක් ලෙස කොලොන්න ප්‍රාදේශීය සභාව මගින් බල ප්‍රදේශයේ ජනතාවගේ මහජන සේවා අවශ්‍යතාවයන් කාර්යක්ෂමව හා විනිවිදභාවයෙන් යුතුව ඉටු කර ගැනීමට පහසුකම් සැලසීම පළාත් පාලන ආයතනයේ ප්‍රධානියා ලෙස මාගේ ප්‍රධාන අරමුණයි.එම අරමුණ සාක්ෂාත් කර ගැනීම සඳහා දරණු ලබන ප්‍රයත්නයක් ලෙස ආයතනයෙන් සපයනු ලබන සේවාවන් ලෙස නිවසේ සිටම සේවා අයදුම්පත් සම්පූර්ණණ කිරීම,ගෙවීම් කටයුතු සිදු කිරිම හා සේවාවන් පිළිබඳ තොරතුරු දැන ගැනීමට කොලොන්න ප්‍රාදේශීය සභාවේ නිල වෙබ් අඩවිය මහඟු උපකාරයක් වන බවට මාගේ විශ්වාසයයි.

ගරු ලේකම්තුමියගේ පණිවිඩය

කොලොන්න ප්‍රාදේශීය සභා බල ප්‍රදේශයේ ජනතාවගේ මහජන සෞඛ්‍යය ,පොදු උපයෝගිතා සේවා හා පොදු මංමාවත් යන අංශ කෙරෙහි අවධානය යොමු කරමින් ඔවුන්ගේ සුඛ විහරණය ,පහසුව හා සුභ සාධනය සැලසීම උදෙසා මහ සභාව විසින් ගනු ලබන තීරණ ක්‍රියාත්මක කිරීම  සඳහා කාර්ය මණ්ඩලය මෙහෙයවමින් කටයුතු කිරීම පරිපාලන නිලධාරියා වශයෙන් මාගේ වගකීමයි.
ඒ සඳහා නූතන තාක්ෂණය යොදා ගනිමින් මහජන අවශ්‍යතාවයන් පහසුවෙන් හා කාර්යක්ෂමව ඉටු කර දීමත් ජනතාව සමග යහපත් සන්නිවේදනයක් පවත්වා ගෙන යාමට කටයුතු කිරීමත් මාගේ අරමුණ වන්නේය.

 කොලොන්න ප්‍රාදේශීය සභාව සංස්ථාපනය

1936 සිට 1959 දක්වා ගම් කාර්යය සභාවක් ලෙසද 1960 සිට 1981 දක්වා ගම් සභාවක් ලෙසද 1982 සිට 1987 දක්වා සංවර්ධන සභා උප කාර්යාලයක් ලෙසද පැවති මෙම පළාත් පාලන ආයතනය 1987 අංක 15 දරණ ප්‍රාදේශීය සභා පනතට අනුව 1988 සිට කොලොන්න ප්‍රාදේශීය සභාව නමින් සංස්ථාපනය විය.
එලෙස ස්ථාපිත වූ කොලොන්න ප්‍රාදේශීය සභාව උතුරට ගොඩකවෙල ප්‍රාදේශීය ලේකම් කොට්ඨාසයෙන්ද, නැගෙනහිරට ඇඹිලිපිටිය ප්‍රාදේශීය ලේකම් කොට්ඨාසයෙන්ද, දකුණට හම්බන්තොට ප්‍රාදේශීය ලේකම් කොට්ඨාසයෙන්ද බටහිරට දකුණු පළාතට මායිම්ව රත්නපුර දිස්ත්‍රික්කයේ දකුණු සීමාවට වන්නට පිහිටා ඇත. විශාලත්වය වර්ග කිලෝ මීටර 204ක් හා ග්‍රාම නිලධාරී වසම් 29කින් සමන්විත බල ප්‍රදේශයේ සිංහල, දෙමළ,මුස්ලිම් හා වෙනත් යන විවිධ ජන කොටස් වලින් සමන්විත 53548 ක ජනගහනයක් ජීවත් වේ. බල ප්‍රදේශයේ ජනතාවගේ ප්‍රධාන ජීවනෝපාය ලෙස කෘෂි කර්මාන්තය හඳුන්වා දිය හැකිය.

කොලොන්න ප්‍රාදේශීය සභාවේ පරමාර්ථ ප්‍රකාශනය

කො‌ලොන්න ප්‍රාදේශීය සභා බල ප්‍රදේශයේ මහජන සෞඛ්‍ය, පොදු උපයෝගිතා සේවාවන්‌ පොදු මංමාවත් විධිමත්ව පත්වාගෙන යමින් ජනතාවගේ සුඛ විහරණය පහසුව සහ සුබ සාධනය යන සියලු පහසුකම් ආරක්ෂා කිරීමට හා ප්‍රවර්ධනය කිරීමට අදාළ සියලු කරුණු විධිමත් කිරීම ,පාලනය කිරීම සහ පරිපාලනය කිරීම සම්බන්ධ කටයුතු ඉටුකිරීම මූලික කාර්යභාරය වේ.

1. ප්‍රාදේශීය සභා පනත අනුව පැවරී ඇති ලිඛිත නීතිවල විධි විධානයන් ක්‍රියාත්මක කිරීම.

2. බෝවෙන රෝග සහ වසංගත ඇතිවීම වැළැක්වීමට පියවර ගැනීම.

3. නිදහස් ආයුර්වේද බෙහෙත් ශාලා පවත්වාගෙන යාම.

4. අනතුරුදායක හා අප්‍රසන්න වෙළෙඳ ව්‍යාපාර විධිමත් කිරීම හා පාලනය කිරීම.

5. විකිණීමට තබා ඇති ආහාර ද්‍රව්‍ය පිළිබඳ තත්ත්ව පාලනය ඇති කිරීම.

6. මහා මාර්ග,කාණු,පදික වේදිකා,බෝක්කු,දිය අගල් ආදිය ඉදි කිරීම හා නඩත්තු කිරීම.

7. ගොඩනැගිලි හා ස්ථීර ඉදිකිරිම් විධිමත් කිරීම හා පාලනය කිරීම.

8. පොදු වෙළෙදපලවල් පිහිටුවා පවත්වාගෙන යාම.

9. වීථී ආලෝකය සැලසීම.

10. සුසාන භූමි පවත්වාගෙන යාම.

11. පුස්තකාල පවත්වාගෙන යාම.

12. ළදරු පාසල් හා ළදරු අධ්‍යාපන සේවා පවත්වාගෙන යාම.

13. ක්‍රීඩා පිටි ඇති කිරීම හා ඒවා පවත්වාගෙන යාම.

14. විවිධ කාර්යයන් සදහා අවශ්‍ය අතුරු ව්‍යවස්ථා පැනවීම හා ඒවා ක්‍රියාත්මක කිරීම.

15. පාරිසරික පවිත්‍රතාවය ආරක්ෂා කිරීම හා පවත්වාගෙන යාම.

16. මහජන සුඛ විහරණය සදහා ප්‍රාදේශීය සභා පනතේ ඉඩදී ඇති සීමාව තුල අවශ්‍ය කටයුතු කිරීම.

17. ප්‍රදේශයේ ජනතාව ගෙවන බදු මුදලේ ප්‍රතිලාභ හැකි උපරිම අයුරින් ආපසු ඔවුන් වෙත ලබාදීම යනාදී සියල්ලන් අරමුණු කොට ඇත.

කොලොන්න ප්‍රාදේශීය සභාව ආරම්භයේ සිට මේ දක්වා කෙටි හැඳින්වීමක්